У межах тыдня нефармальнай адукацыі ў Гомел 25 кастрычніка адбылася выстава “Адукацыя – гэта цікава!”, пад час якой наведвальнікі маглі азнаёміцца з дзейнасцю розных недзяржаўных моладзевых арганізацыяў ня толькі з дапамогай мультымедыйных прэзентацыяў і стэндаў, але і дзякуючы майстар-класам.
Паўдзельнічала і паназірала за іншымі ўдзельнікамі і ГМКГА “Талака”!
Што з гэтага атрымалася глядзіце ў нашым фотааглядзе.
Гомельская асацыяцыя дзяцей і моладзі, скарочана “АСДЕМО” здзіўляла ўсіх сваімі экалагічнымі тэхнічнымі прыстасаваннямі.
Навучальная суполка “Я цяпер студэнт” ГДУ ім. Ф. Скарыны спрабавала прывучыць учорашніх школьнікаў да выжывання ва ўмовах сучаснага беларускага ўніверсітэта.
Клуб кінааматараў “Кінабункер” прапаноўваў наведвальнікам будучыя сумесныя прагляды і абмеркаванні кінакласікі.
Ну а ГМКГА “Талака” ня толькі змайстравала лепшую мультымедыйную прэзентацыю, але і зладзіла традыцыйны майстар-клас па народных танцах.
Будзем спадзявацца, што гэтае мерапрыемства мае будучыню і з кожным годам колькасць арганізатараў-удзельнікаў і наведвальнікаў будзе толькі павялічвацца!
Фатаздымкі: Марыся Тульжанкова
