Верас (конкурс “10 прычын чаму варта жыць на Гомельшчыне”)

0
517

Калі захочаш Гомель ты наведаць,

Дык з’ехаць не захочаш нікуды.

Цябе прывабіць моцна гэта месца,

Захочаш тут застацца назаўжды.

Тут парк цудоўны – лепшы ў Беларусі (1)

І цягнецца ўдоўж пекна Сож-рака (2),

Вада рудзее ржой каналізацый…

Але ж як увесну разліваецца яна!

Не рэчка – цуд! Ну а яшчэ у Гомлі

Цяплей, чым у іншых нашых гарадох (3)!

Тут горад Сонца, горад хіпі (4). Тут як хіпі

Глядзіцца нават самы змрочны гот (5).

Сяльмаш форэва – вось яшчэ прычына (6),

Каб Гомель паважаны наш любіць,

Сяльмашаўскія хлопцы тут заўседы

Ласкава вас папросяць закурыць (7)

Тут рай! Сапраўдны рай! Ты мне не верыш?

Дык у раен Савецкі прыязджай

Ды пакаштуй ты яблыкаў гіганцкіх (8)

Правобраз тых, што елі Ева і Адам.

Ды што казаць, калі ў славутым Гомлі

Я (!) нарадзілася, жыву і буду жыць (9).

Ці ж не прычына, ці ж гэта не варта

Таго, каб вам таксама побач быць?

Ну вось і ўсе. Апошняя прычына –

То наша “Талака”вышэйшы клас (10)!

Гэта у свеце лепшая тусоўка,

Што ладзіць конкурсы цудоўныя для нас!

Аўтар: Верас