Спектакль “Рэальнасць” гомельскага “Тэатра адкрытых” па п’есе Івана Вырыпаева “UFO” можна будзе ўбачыць 11 і 13 снежня ў Гарадскім цэнтры культуры.
Рэжысёрам спектакля выступіў Дзмітрый Новікаў, для якога гэта творчы дэбют у гэтай ролі:
“Гэты спектакль апавядае некалькі гісторый пра тое, як псіхічна здаровыя людзі сустракаліся з іншапланетнай цывілізацыяй. Дакладней нават не пра самі сустрэчы, а пра тое, што людзям давялося выпрабаваць падчас кантакту.
Мы даўно хацелі заняцца ў тэатры сучаснай драматургіяй, а ў гэтым выпадку ўсе зоркі, нарэшце, сышліся. П’еса адгукнулася ў сэрцы практычна кожнага ўдзельніка дзейства.
Падчас працы над спектаклем важна было зрабіць так, каб акцёры не пераўвасабляліся ў сваіх герояў, а казалі ад сваёй асобы, так, быццам гэтыя гісторыі адбыліся з імі. Мне здаецца, што гэтага ўдалося дамагчыся.
Гэта эксперыментальны спектакль-містыфікацыя. У нейкіх момантах ён нават можа эпатаваць публіку. Мы думаем, што такая “Рэальнасць” не зможа пакінуць гледача абыякавым.
У ролях:
- Дар’я Кавалёва
- Леанід Маркевіч
- Мікіта Кавалёў
- Лія Цыплянкова
- Яўген Балтоўскі
- Мар’яна Корсак
- Юрый Марціновіч
- Мікалай Смольскі
- Марыя Калугіна / Кацярына Кароткая
- Дзмітрый Новікаў
Гук, музыка: Іван Марозька
Відэа: Аляксей Даўгушын
Білеты можна набыць у касах ГЦК.
Кошт — 5 р.
Спектакль Укантакце
