Талакоўская майстэрня: робім разам абутак “пасталы”

0
1428
пасталы, лапти

Шаноўныя сябры!

ГМКГА “Талака” запрашае 22 красавіка а 14.00 ахвотнікаў ды эксперыментатараў у філіял Веткаўскага музею, каб разам змайстраваць арыгінальны абутак па ўзоры моды нашых прабабуль і прадзедаў.

Дадзены майстар-клас ладзіцца талакоўцамі ўпершыню і гэта ўнікальная магчымасць адчуць сябе сапраўдным рамеснікам ды нават майстрам, які зробіць сапраўдны шэдэўр. Сапраўдны беларускі шэдэўр.

Далучайцеся!

Найбольшым попытам у цёплы перыяд году ў нашых продкаў карысталіся пасталЫ.

Пасталы – абутак, які вырабляўся з суцэльнага кавалка скуры і замацоўваўся на назе пяньковым ці валасяным матузком альбо скуранымі стужкамі.

Аб зручнасці і практычнасці тагачаснай моды мы будзем дыскутаваць па выніках гуртка

🙂

Паны і паненачкі , не забываемся з сабой прынесці:

– 2 кавалкі дзябёлай скуры (скуразамяняльніка) памерам не меней, як 250/350 (у залежнасці ад памера нагі, можна і болей)

– матузкі доўгія (можна ў краме набыць “пад скуру” шырокую тасьму)

– нажніцы вялікія і вострыя

– мяккі аловак

– канцэлярскі нож і калі ёсць – шыла

Калі: 22 красавіка а 14.00

Дзе: філіял “Веткаўскага музея народнай творчасці” у Гомелі (пл. Леніна, 4, тэрыторыя палаца-паркавага ансамбля, за саборам Пятра і Паўла)

Даведкі: (29) 3074981 (Марыся).

Падзея Вконтакте: vk.com/event38046039

Да сустрэчы, шаноўныя майстры ды майстрыхі!