Рэчыцкі лагер

0
137
Рэчыцкі лагер

Умацаваная база войск ВКЛ сярэдзіны 17 ст. ў Рэчыцы. Пасля разгрому атрада паўстанцаў пад кіраўніцтвам палкоўніка Нябабы ў 1650 Януш Радзівіл значна ўмацаваў Рэчыцу, ператварыўшы яе ў галоўную “квартиру” для навучэння i агляду войск ВКЛ.

На гра­вюры Рэчыцы сярэдзіны 17 ст. зафіксаваны драўляныя збудаванні тыпу гародняў, якія стаяць на курцінах паміж бастыёнамі, рады байніц, невялікія вежы на курцінах.

У пачатку вайны Расіі з Рэччу Паспалітай 1654-1667 войска ВКЛ пакінула “Рэчыцкі лагер” і рушыла да Шклова, дзе ў жніўні 1654 пацярпела паразу ў бітве з войскамі князя А.М. Трубяцкога.

Пасля 1667 Рэчыца апынулася ў баку ад галоўных ваенных падзей 17-18 ст. і лагер не аднаўляўся.


Крыніца:
Т. 6. Кн. 1: Пузыны — Усая / Беларус. Энцыкл.; Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 2001. Ст. 181.