ІІІ агульнанацыянальная дыктоўка прысвечаная Дню роднай мовы адбудзецца 22 лютага ў Гомелі

0
930
чернила, чарнілы

ГМКГА “Талака” разам з гомельскай суполкай Таварыства Беларускай мовы імя Францішка Скарыны запрашаюць вас прыняць удзел у трэцяй агульнанацыянальнай дыктоўцы прысьвечанай міжнароднаму дню роднай мовы.

Пераможцы атрымаюць падарункі!

Да ўдзелу запрашаюцца ўсе жадаючыя! Узрост не абмежаваны.

Падтрымай беларускую мову беларускім словам! Дакажы дзеяннем што яна ня згасла і ніколі не памрэ!

Разам з намі дыктоўку піша ўся краіна!

Пасля дыктоўкі адбудзецца прагляд фільму (якога канкрэтна шчэ ня вызначана, чакайце навін заўтра).

Сустрэча адбудзецца 22 лютага а 17.00 па вул. Палескай, 52

Прыходзьце абавязкова!

International Mother Language Day заснаваны рашэннем 30‑й сесіі Генеральнай канферэнцыі ЮНЕСКА ў лістападзе 1999 года і адзначаецца з 2000 года. Мэта святкавання — абарона моўнай і культурнай разнастайнасці.

Аўтарам беларускай агульнанацыянальнай дыктоўкі з’яўляецца Уладзімір Падгол.

Упершыню дадзеная акцыя адбылася тры гады таму і з тых часоў сталася добрай традыцыяй. Цяпер дыктоўку пішуць і амбасадары, і беларусы замежжа – як на Захадзе, так і ў той жа Расеі, пішуць у школах і ў бібліятэках, на сходах і проста на вуліцы.

Нам бачыцца, што і ў родным Гомелі павінна адбыцца дадзеная акцыя!

Будзьма беларусамі!