Шчодры вечар, добры вечар
АФК, ф. 10, воп. 11. Зап. 3. Я. Мажэйка у 1968 г. у в. Глушкавічы
Лельчыцкага р. ад Вольгі Яфрэмаўны Радэілавец, 1936 г.н, і групы жан-
чын-даярак.
Шчадрэц.
237. ШЧОДРЫ ВЕЧАР, ДОБРЫ ВЕЧАР
Шчодры вечар, добры вечар,
Усім людзям на ўвесь вечар.
Ці дома, дома пан гаспадар,
А я бачу, што ён сядзіць.
На покуці каля стала,
На ём шуба шубялёва.
На той шубе — чындакора,
На той чындакоры — сем селяэенькаў.
— Радзі, божа, жыта, пшаніцу,
А нам, дзядзя, паляніцу.
Хоць сырую, то жырую,
Абы, дзядзя, не малую.
391. Oi, у садочку
АФК, ф. 10, воп. 11. Зап. 3. Я. Мажэйка у 1968 г. у в. Глупікавічы
Лельчыцкага р. ад Вольгі Яфрэмаўны Радзілавец, 1936 г.н„ Марыі Кан-
драцеўны Скумінай, 36 г. і Просі Рыгораўны Маркевіч, 1937 г.н.
391. ОХ, У САДОЧКУ
Ох, у садочку, да ў чыстым полі, каліна,
Каліна мая, рожа чырвона ягада^
Ой, там стаяла красная панна, каліна.
Красная панна, пані Маруська, каліна.
Яна стаяла, рожу шчыпала, каліна.
Рожу шчыпала, ў пучкі вязала, каліна.
У пучкі вязала, мацеры казала, каліна:
— Ой, мама, мама, каб я такая, каліна.
Каб я такая, як рожа ўсяя, каліна.
Ой, то пашла б я за двараніна, каліна.
За дваранінам там добра жыці, каліна.
Там добра жыці, мёд-віно піці, каліна.
497. А у ляску, у ляску круглае поле
АФК, ф. 10. воп. 11. Зап. 3. Я. Магиэйка у 1968 г. у в. Глушкавічы
Лельчыцкага р. ад Вольгі Яфрэмаўны Радзілавец, 1936 г. н. і групы жан-
чын-даярак.
497. А У ЛЯСКУ, У ЛЯСКУ КРУГЛАЕ ПОЛЕ
А ў ляску, у ляску круглае поле,
Святы вечар! ^
Ой, там Васілька паранінку гарэ.
Прышоў да яго баценька яго.
— Ой, гары, сынку, усю паранінку.
Будзем сеяці жыта-пшаніцу,
Жыта-пшаніцу, усяку пашніцу.
Будзема жаці — жанцоў наймаці,
Будзем вязаці вялікі снапы,
Будзем стаўляці частыя копы.
Ходзіш, Трахімка, паміж копкамі,
Як той месячык паміж зоркамі.
