Еўропа стане бліжэй

0
1018
Европа, Гомель

Гомель, Европа, ЕўропаНя так даўно ў Гомелі адбылася прэзентацыя Еўрапейскага клуба – грамадскай пляцоўкі, якая мае на мэце наблізіць Еўропу да жыхароў Гомеля ды Гомельшчыны.

У межах дзейнасці Еўраклуба будуць адбывацца адкрытыя культурніцкія мерапрыемствы: сустрэчы з цікавымі людзьмі, якія маюць досьвед вучобы ці пражывання ў Еўропе, сэмінары, экскурсіі ў Еўразьвяз. Прадугледжана стварэнне вялікай інфармацыйнай базы пра Еўропу: бібліятэкі ды фільматэкі. Гомельскі еўраклуб ужо мае ўласны сайт ды друкаваны штомесячны бюлецень з інфармацыяй пра самыя разнастайныя бакі жыцця Еўропы: навучанне, турызм, візавая падтрымка, культурніцкае жыццё, еўрапейскія амбасады ў Беларусі і беларускія амбасады ў краінах Еўропы, карта еўрапейскіх распродажаў ды інш.

“Мэта клуба – зрабіць еўрапейскія каштоўнасці, лад жыцця і культуру на крок бліжэй да нас – кажа старшыня клуба Пётр Філон – паводле статыстыкі, каля 60 % жыхароў Беларусі ніколі не былі ў Еўропе. З другога боку, ўсё тая ж статыстыка цвердзіць, штогод няўхільна расце колькасць прыхільнікаў інтэгравання ў Еўропай”.

Актывісты еўраклуба плануюць стварыць мінімум у трох раённых цэнтрах Гомельшчыны свае філіялы. У будучыні яны маюць вельмі амбітыня планы зрабіць еўраклуб інфармацыйным, адукацыйна-асветніцкім, турыстычна – кансультатыўным цэнтрам для ўсіх людзей, якіх цікавіць Еўропа.

Кузнецов, Гомель, Европа, Еўропа“Я перакананы, што калісьці нашая краіна прыме рашэнне далучыцца да Еўразьвязу” – кажа старшыня грамадскай арганізацыі ГДФ Пётр Кузняцоў –  “і гэтае рашэнне будзе прынята на рэферэндуме. У тым ліку, гэта адбудзецца, дзякуючы намаганням еўраклубаў.

Гомель, Европа, ЕўропаБеларусы стаяць зараз перад выбарам: ці далучыцца да ўсходняй цывілізацыі ці да заходняй. У нашым разуменні, еўрапейскі выбар – гэта, перадусім, каштоўнасны выбар, калі краіна свядома далучаецца да тых народаў, дзе шануюцца правы чалавека, дзе годнасць вера і сумленне маюць першаснае значэнне. Добрыя перспектывы Беларусі звязаны з прыналежнасцю да еўрапейскай цывілізацыі”.

Еўрапейскія клубы- ініцыятыва, якая мае распаўсюд па ўсёй Беларусі. Ужо паўсталі еўраклубы ў Магілеве, Гародне ды  Берасці.

Аўтар: Ларыса Шчыракова