Шаноўнае спадарства!
ГМКГА “Талака” запрашае 18 красавіка ўсіх неабыякавых гамельчукоў на экскурсію па вуліцах са старой драўлянай забудовай у Гомелі. На першай эскурсіі вас чакае “Свісток” – раён старога Гомеля.
Не заставайцеся абыякавымі да лёса гісторыі роднага горада!
Далучайцеся і прывадзіце сяброў!
Традыцыйная гісторыка-архітэктурная драўляная забудова Гомеля знаходзіцца зараз пад пагрозай поўнага знішчэння. Паводле нядаўна зацверджанага новага генплана развіцця горада ўсю аднапавярховую забудову ў цэнтры горада, нягледзячы на ейную гістарычную, архітэктурную або мастацкую вартасць плануюць знесці.
Намаганні гомельскіх гісторыкаў і актывістаў па стварэнні адмысловых ахоўных зонаў або музеяў пад адкрытым небам пакуль застаюцца марнымі.
Весці эскурсію будзе Адрэй Скідан, навуковы супрацоўнік Веткаўскага музея і краязнаўца.
Эскурсія па раёне старога Гомеля “Свісток” дапаможа вам:
– азнаёміцца з гісторыяй старога Гомеля і даведацца як жылі нашыя продкі ў ХІХ – пач. ХХ ст.
– зразумець адметнасць традыцыйнай гарадской забудовы нашага рэгіёна
– усведаміць сэнс шматлікіх сімвалаў увасобленых у дэкоры і аздабленні старых дамоў нашага горада
– знайсці цікавых і неардынарных сяброў, што неабыякавыя да гісторыі ўласнага краю
– весела пабавіць час у прыемнай атмасферы
Калі: 18 красавіка, 17:00
Дзе: збор адбудзецца каля Лялечнага тэатра ў Гомелі (вул. Пушкіна, 14)
Кантакты: (44) 7494166, Яўген Меркіс
Падзея Вконтакте: vk.com/staryhomel
