Паны і паненкі!

ГМКГА «Талака» запрашае ўсіх ахвочых 28 верасня прыняць удзел у майстар–класе па вырабе традыцыйных лялек-абярэгаў.

Лялька- заўсёды актуальны і запатрабаваны атрыбут хатняга, сямейнага побыту. Аднак у старажытнасці нашыя дзяды ўспрымалі лялькі інакш. Яны былі асноўнымі абярэгамі, кожная з іх выконвала свае функцыі. Большасць з іх атаясамляліся з выявай жаночых бостваў.

Лялька Багацька - адна з найбольш шануемых. Яна забяспечвала нябеднае жыццё і дастатак ў хаце.

У Гомельскім філіяле Веткаўскага музея адкрылася выстава "На шляху з варагаў у грэкі".

Невялікая экспазіцыя прысвечаная побыту старажытных радзімічаў. На ёй можна пабачыць зброю, прадукцыю старадаўніх рамеснікаў, амуніцыю, прадметы побыту. Рэканструяваная вопратка і ўпрыгожванні даюць уяўленне пра тое, як апраналіся ў 10-12 стагоддзях. Амаль усе рэчы прадаставілі рыцарскія клубы Гомеля.

Гэты год апынуўся для сяброў і прыхільнікаў гомельскай "Талакі" насычаным на этна-вандроўкі і прыгоды. І чым далей цёплыя  дзянькі, тым з большым цяплом узгадваюцца моманты летніх экспедыцый.

Калі вы яшчэ ня вандравалі з намі па закуточках Гомельшчыны, значыць вы не жылі  поўным жыцццём. У такім выпадку хутчэй выходзьце з намі на кантакт, а пакуль што паглядзіце лепшыя фотаздымкі зробленыя сябрамі ГМКГА "Талака"  падчас этнаграфічных вандровак 2011 г.

Прыемнага прагляду!

14 кастрычніка ў Plaza Club выступіць легендарны гомельскі гурт GODS TOWER .

На канцэрце прагучаць песні з новага альбома "Steel says last" - першага альбому гурта пасля 2002 году.

Гамельчукам быць абавязкова!

25 верасня ў былым палацы моладзі "Юнацтва" упершыню ў Гомелі пройдзе выстава нефармальнага навучання "Адукацыя - гэта цікава!"

Мерапрыемства праводзіцца сумесна з Прадстаўніцтвам зарэгістраванага таварыства “Deutscher Volkshochschul-Verband eV”(Федэратыўная Рэспубліка Германія) у Рэспубліцы Беларусь і ГМКГА “Талака” ў межах Тыдня нефармальнай адукацыі – 2011 “Нефармальная адукацыя і рэгіянальнае развіццё”.

Наведвальнікі выставы будуць мець мажлівасць даведацца пра валанцёрства, працу ў гуртках, моладзевыя і міжнародныя абмены, а таксама прыняць удзел у майстар-класах і трэнінгах.

22 верасня ў межах агульнабеларускага праэкта “Дзень балцкага адзінства” на старажытным капішчы каля в. Хальч Веткаўскага р-на адбудзецца сапраўдная містэрыя.

У гэты дзень маладзёны з г.Гомеля выправяцца для таго, каб здзейсніць уборку тэрыторыі і запаліць агмяні ў знак пашаны нашым старажытным продкам.

Далучайся і ты!

Даўгачаканы выступ гурта Re1ikt адбудзецца ў Гомелі 21 верасня пры падтрымцы кампаніі "Будзьма беларусамі!".

На канцэрце прагучаць як старыя так і новыя песні з запланаванага на гэты год альбома.

Гамельчукі, спяшайцеся, колькасць квіткоў не бязмежная!

ГМКГА "Талака" аб'яўляе аб наборы ў шэрагі будучых журналістаў, што будуць ствараць навіны і артыкулы для краязнаўчага сайта Гомеля і Гомельшчыны NASHKRAJ.INFO.

- Ты цікавішся краязнаўствам роднага краю?!?
- Ты хацеў бы словам запальваць сэрцы і абуджаць розум людзей?!?
- Ты хацеў бы навучыцца анлайн-журналістыцы, але не ведаеш дзе і як?!?

Тады табе да нас!

Ўсім краязнаўцам!

15 верасня а 16.00 у ЦГБ ім. А.І. Герцэна адбудзецца паседжанне краязнаўчай суполкі па тэме "У сяброўства няма межаў", прысвечанае гарадам-пабрацімам горада Гомеля.

Ўсім аматарам паштовых марак!

У Гомелі адчыняе свае дзверы VII нацыянальная філатэлістычная выстава "Белфіла-2011".

Свае экспазіцыі прадставяць Азербайджан, Беларусь, Германія, Літва, Украіна.

Спяшайцеся пабачыць!

15 верасня 2011 года а 16-ай гадзіне ў Карціннай галерэі Г.Х. Вашчанкі (Гомель, вул. Карповіча,4) адбудзецца адкрыццё шведска-беларускай выставы карыкатуры «Сам-насам з кліматам».

Выстава арганізаваная пры падтрымцы Шведскага Інстытута (Стакгольм) і Пасольства Швецыі ў Рэспубліцы Беларусь і будзе дэманставацца ў Гомелі з 15 па 30 верасня.

Шаноўныя паны ды паненачкі!

Запрашаем вас на выставу "Рэчыцкі народны касцюм на фоне мастацкай традыцыі Гомельшчыны".

На выставе ў вас будзе магчымасць убачыць:

- традыцыйныя строі жыхароў Гомельшчыны з фондаў дзяржаўнай гісторыка-культурнай установы "Гомельскі палацава-паркавы ансамбль";

- фотаздымкі з фондаў Гомельскай моладзевай краязнаўчай грамадскай арганізацыі "Талака";

- прадметы сялянскага побыту з фондаў фальклорна-этнаграфічнага гуртка "Вандроўнік"

Выстава будзе працаваць з 1 па 16 верасня.

Урачыстае адкрыццё выставы: 1 верасня а 14-й гадзіне.

Месца правядзення: галоўны корпус установы адукацыі "Гомельскі дзяржаўны ўніверсітэт імя Францыска Скарыны, выставачная зала (вул. Савецкая, 104)

Уваход вольны!

Паважанае спадарства!

Гомельская славянская бібліятэка запрашае ўсіх ахвотных на прэзентацыю кнігі І.Прылуцкага "Мудрости зачало и конецъ".

З гэтай нагоды адбудзецца й прэзентацыя п'есы па дадзеным творы.

Калі: 2 верасня, а 16.00

Дзе: Славянская бібліятэка (г. Гомель, вул. Ланге 17)

Уваход вольны.

Прыходзьце, будзе весела!

;)

Старажытны абрад "Жаніцьба коміна" сёлета адсвяткавалі ў в. Дзяржынск (Лельчыцкі раён) 23 жніўня 2011 г.

Сябры ГМКГА "Талака" ня толькі прынялі ўдзел у святкаваннях, але і знялі невялічкі відэа-агляд усяго мерапрыемства.

Прыемнага прагляду!

Гомельскі фолк-гурт "Млын сонца" выступіў на канцэрце ў цэнтральным парку Гомеля 13 жніўня 2011 г.

Праглядаем відэа!

У ноч з 6 на 7 ліпеня ў Беларусі сьвяткуюць Купальле — сьпяваюць купальскія песьні, скачуць праз вогнішча, пускаюць па рацэ вянкі, сплеценыя з лугавых зёлак. Асобныя знаўцы й шанавальнікі купальскай традыцыі, як, да прыкладу, актывісты гомельскай моладзевай краязнаўчай арганізацыі "Талака", ладзяць Купальле 22—24 чэрвеня, падчас астранамічнага летняга сонцастаяньня і найвышэйшага росквіту прыродных сілаў. Акурат у гэты час вадзілі купальскія карагоды продкі цяперашніх беларусаў.

Старажытны абрад Русалле быў адсвяткаваны 18 чэрвеня ў в. Вялікі Бор Хойніцкага раёну.

Вядома, талакоўцы не маглі не далучыцца да святкаванняў.

Праглядаем відэа! 

11 чэрвеня гэтага года ГМКГА "Талака" зладзіла ў Гомелі для ўсіх ахвотных майстар-клас па традыцыйных беларускіх танцах.

Што з гэтага выйшла глядзіце на відэа!

;) 

Шаноўныя паны й паненкі!

У ноч з 21 на 22 чэрвеня (дзень летняга сонцастаяння) па традыцыі адбудзецца адзін з самых таямнічых і яскравых дахрысціянскіх святаў - абрад Купалле.

Да ўдзелу запрашаюцца ўсе ахвочыя.

Другога чэрвеня сябры ГМКГА "Талака" прынялі ўдзел у адным з самых адметных абрадаў Гомельшчыны - ў Ваджэнні і пахаванні стралы.

Паважанае спадарства!

Дзеўкі і хлопцы!

ГМКГА "Талака" запрашае ўсіх вас на майстар-клас па беларускіх народных танцах, які адбудзецца 11 ліпеня ў Гомелі пад вольным небам.

Хто ўмее - успомніць, хто не ўмее - навучым!

Хада з намі!

;)

Прэзентацыя альманаха DRUVIS, прысвечанага традыцыйнай этнічнай культуры і гісторыі беларусаў, тутэйшай дахрысціянскай рэлігіі і міфалогіі адбудзецца ў Гомелі 11 чэрвеня.

На пачатку траўня 2011 года сябры ГМКГА "Талака" запрасілі ўсіх ахвотных ня толькі прыняць удзел у святкаванні Юр'я ў в. Пагост, але і далучыцца да невялічкай вандроўкі-экспедыцыі па Тураўшчыне.

Што з гэтага сталася можаце ўбачыць на фатаздымках.

;)

23-га красавіка 2011 году, за некалькі дзён да 25-й гадавіны аварыі на ЧАЭС у г. Гомелі адбыўся прагляд дакументальнай стужкі "Ліквідацыя ліквідатараў". 

Стужка была створана пры падтрымцы руха "За свабоду" і "Гомельскага дэмакратычнага форуму" і распавядае пра трагічныя лёсы ліквідатараў наступстваў той страшэннай для нас усіх аварыяў.

Гісторыі, якія вы пачуеце ня могуць не шакаваць. У дзяржаве якая больш за ўсе астатнія пацярпела ад чарнобыльскай катастрофы людзей, што цаной уласнага здароўя і жыцця прадухілялі больш цяжкія наступствы гэтай падзеі для Беларусі часцей за ўсё ня ведаюць, ня цэняць. Улада адабрала ў іх большасць ільготаў, не клапоціцца аб іх і не аддае ім даніну павагі апроч парачкі радочкаў у газеце з нагоды чарговай гадавіны.

Ня будзьце ж абыякавымі! Праглядзіце відэа і распавядзіце інфармацыю сваім знаёмым, сябрам!

Толькі ведаючы праблемы адзін аднога мы здолеем пабудаваць лепшую Беларусь!

У гэтым годзе каля трыццаці бадзёрых беларусаў і беларусачак выправіліся 20 сакавіка пад Рэчыцу, каб "пагукаць" вясну.

Сябры ГМКГА "Талака" прынялі самы актыўны ўдзел у святкаванні Гукання. 

Глядзіце відэаагляд у трох частках, зняты Ларысай Шчыраковай.