Бібліяноч-2016 у Гомелі: Дзівосны вечар у шляхціца Завальні

0
1716
Цмок і вазок з твораў пра Шляхціца Завальню і Бібліяноч 2016

9 верасня з 18.30 да 22.00 у цэнтральнай гарадской бібліятэцы імя. А.І. Герцэна ў Гомелі пройдзе акцыя ў падтрымку чытання «Бібліяноч-2016», прымеркаваная да Дня бібліятэк Беларусі і Году культуры.

На адзін вечар бібліятэка ператворыцца ў гасцінны і загадкавы дом шляхціца Завальні, дзе знойдуць прытулак шматлікія вандроўцы. Іх гісторыі вы зможаце ўбачыць, пачуць і прачытаць, а яшчэ паспрабуеце разгадаць таямніцы, стаўшы ўдзельнікамі некаторых падзей.

Гісторыя першая. пачатак (18.30)
Каля ўваходу ў маёнтак вас чакаюць госці пакліканыя і пажаданыя на чале з панам Завальнёй, сярод якіх фолк-фэнтэзі-група «Млын сонца”, акцёры тэатра-студыі «Калі б …» Гомельскага дзяржаўнага ўніверсітэта імя Ф. Скарыны. Але патрапіць унутр будзе няпроста. Шлях пройдзе праз таямнічы лес, вас будуць чакаць сустрэчы з міфічнымі істотамі, гульня «Фальклорныя пярліны» і містыка на карцінах Алега Боклага.

Гісторыя другая. Квэст “Закляты скарб»
Ужо некалькі стагоддзяў ходзяць легенды пра скарбы, схаваныя ў закінутай сядзібе шляхетнага пана Завальні. Бераг містычнага возера Нешчарда, таямнічы лес з міфічнымі істотамі і зачараваны скарб… Вы паверылі ў старую легенду? Тады адпраўляйцеся на пошукі «заклятага скарба». У вас ёсць ўсяго толькі 30 хвілін, каб знайсці скарб і выбрацца на свабоду!

Папярэдні запіс па тэл.: 71-64-54. Узроставыя абмежаванні: 16+
Час пачатку тураў: 19.00, 20.15, 21.00, 21.30
Колькасць гульцоў у камандзе: 4-6 чал.
Кошт для 1 чалавека: 5,00 руб. / 50 000 руб.

Гісторыя трэцяя. «Восеньскі кірмаш»
Пан Завальня на кірмаш усіх запрашае. Рамеснікі ўмелыя прыехалі сябе паказаць і на іншых паглядзець. Майстар з філіяла Веткаўскага музея стараверства і беларускіх традыцый ім. Ф.Г. Шклярава пакажа, як ткаць і чытаць старажытныя арнаменты (19.40).

На кірмашы можна будзе пакаштаваць лапці з газетных трубачак і сплесці пояс, гліняны гаршчок вылепіць і ўбачыць лукі старадаўнія, лялькі-абярэгі, драўляныя ўпрыгажэнні. Не абыдуць бокам кірмаш і музыканты — фолк-праект «Ягорава гара» (19.10). І гульням і забавам знойдзецца месца, і на спектаклі батлейкі паглядзець прыйдзецца (20.40). А Алёна Ляшкевіч прадставіць фотавыставу «Этнавандроўкі».

Гісторыя чацвёртая. «У гасцях у ката Леапольда»
Для дзяцей шляхціц Завальня падрыхтаваў сюрпрыз. Разам з клоунскім дуэтам «Калейдаскоп цудаў» яны патрапяць у краіну «Каламбур», пазнаёмяцца з мясцовымі жыхарамі, пабываюць у гасцях у ката Леапольда, зробяць кашэчую зарадку, станцуюць, пагуляюць у весёлые гульні з кацянятамі і мышамі.

Гісторыя пятая. «Хатка траўніцы»
Пра пералёт-траву кажуць, што валодае яна здольнасцю «пераносіцца з месца на месца». Шчаслівы кожны, хто сарве гэтую траўку. Не будзе ведаць ён ніякіх перашкодаў у сваім жыцці, усе яго жаданні спраўдзяцца.

Пра гаючыя ўласцівасці гэтай і многіх іншых траў вам раскажуць гаспадыні. Стомленым падарожнікам яны прапануюць кубачак духмянай гарбаты, а аматараў забаваў чакаюць гульні і конкурсы.

Гісторыя шостая. «Шляхецкі баль» (19.00)
Пан Завальня запрашае дам і рыцараў з усёй акругі на шляхецкі баль. З’едуцца артысты слаўныя, знакамітыя: заслужаны аматарскі калектыў Рэспублікі Беларусь цырк імя Валерыя Абеля, клуб гістарычнага танца «Бельфиёрэ», ваенна-гістарычны клуб “Фалькон”, студыя ірландскіх і гістарычных танцаў «Карункі крокаў», студыя іспанскага танца фламенко La Sangrina.

Гісторыя сёмая. «Радавод. Успамін пра Вялікае Княства Літоўскае»
Да шляхціца Завальні заехаў пагасціць вядомы знаўца гісторыі і дваранскіх родаў Алег Белавусаў. Прывёз ён падарунак дзіўны — фотапартрэты князёў, рыцараў і простых гараджан Вялікага княства Літоўскага. Свае працы публіцы ён прадставіць у 19.40.

ХІV-ХVІІ стагоддзі — час неспакойны, таму пана Белавусава суправаджаюць у падарожжы роставыя лялькі-рыцары з калекцыі клуба гістарычнай рэканструкцыі «Caballeros de fortuna» ДУ «Палац культуры« Фестывальны ».

Цікавую забаву падрыхтаваў і шляхціц Завальня. Ён прапануе згуляць у анлайн гульню-віктарыну “Rzeczpospolita Obojga Narodow», прысвечаную гісторыі Беларусі і Польшчы.

Гісторыя восьмая. Інтэрактыўны тэатральны перфоманс па матывах п’есы Сяргея Зянькова «Мой сябар Меркуцыо!» (20.10)

Да пана Завальні заедуць госці з далёкай Англіі. Акцёры тэатра-студыі «Калі б …» Гомельскага дзяржаўнага ўніверсітэта ім. Ф. Скарыны пакажуць тэатральны перфоманс у стылі Шэкспіра ад драматурга і рэжысёра пана Зянькова.

Гісторыя дзявятая. “Пісьменнікі і паэты ў гасцях у Завальні» (21.00)
Аб ратных подзвігах на літаратурнай ніве пану Завальні распавядуць знакамітыя гомельскія літаратары: Уладзімір Гаўрылавіч, Васіль Ткачоў, Аляксандр Атрушкевіч, Аляксандр Бардоўскі, Юрый Максіменка, Андрэй Мацвеенка, удзельнікі літаратурнай гасцёўні «31 мерыдыян».

А таксама ў гэты вечар — забавы ў шляхецкай гасцінай, фотозоны, атракцыён «Смешнае люстэрка», конкурсы, кніжныя выставы і многае іншае.