Аншлаг на беларускамоўным міні-мюзікле ў Гомелі

0
73
Спектакль на беларускай мове

У Гомелі з аншлагам прайшоў паказ беларускамоўнага спектакля пра Фіндуса і Пэтсана «Паляванне на ліса». Апошні раз беларускамоўны спектакль у горадзе праходзіў у красавіку. Музычную версію «Палявання на ліса» прадставілі дуэт «Мяў-мяў» Андруся Такінданга і Валерыі Валадзько.

Наведнікі музычнай пастаноўкі пра Фіндуса і Пэтсана заўважаюць, што ў горадзе бракуе беларускамоўных мерапрыемстваў.

Спектакль на беларускай мове "Паляванне на ліса" ў Гомелі– Многа такіх мерапрыемстваў не бывае. Але мы цэнім, што хаця б некалькі разоў на год яны прыходзяць.
 
– Не хапае такіх беларускамоўных мерапрыемстваў, бо нашая дзяржава, на жаль, не забяспечвае роўнасць моў.
 

– А дзе іх хапае? У Гомелі – не. А тым болей, у Рэчыцы, адкуль мы сёння сюды прыехалі.

Спектакль "Паляванне на ліса" ў ГомеліБеларускамоўны спектакль пра прыгоды Пэтсана і Фіндуса шведскага аўтара Свэна Нурдквіста паказалі Гомелі ўпершыню. Музычная пастаноўка ў выкананні дуэта «Мяў-мяў» Андруся Такінданга і Валерыі Валадзько адбылася ў філіяле Веткаўскага музея пры падтрымцы пасольства Швецыі ў Беларусі.

Спектакль на беларускай мове "Паляванне на ліса" ў ГомеліСпектакль на беларускай мове "Паляванне на ліса" ў ГомеліСпектакль на беларускай мове "Паляванне на ліса" ў ГомеліСпектакль на беларускай мове "Паляванне на ліса" ў ГомеліРаспачала мерапрыемства пасол Швецыі Крысціна Ёханэсан, якая звярнулася да прысутных па-беларуску:

– Прывітанне, дарагія сябры. Вельмі радыя бачыць вас на нашай імпрэзе.

Спектакль на беларускай мове "Паляванне на ліса" ў ГомеліМузыка Андрусь Такінданг адмыслова стварыў міні-мюзікл паводле прыгодаў Пэтсана і Фіндуса. Дзеці з радасцю падпявалі Андрусю і Валерыі «Куры квохчуць ко-ко, мяў-мяў-мяў вуркоча кот», «лопнем шар, бабах-бабах, хітры ліс адчуе страх», «калі ласка, на здароўе, шакаладу не шкада, лісянё яшчэ малое аблізала шакалад» і іншыя песні.

Спектакль на беларускай мове "Паляванне на ліса" ў ГомеліСпектакль на беларускай мове "Паляванне на ліса" ў ГомеліСпектакль на беларускай мове "Паляванне на ліса" ў Гомелі– Пэтсана і Фіндуса мы вельмі любім, бо сучасная шведская літаратуры – гэта супер, – дзеліцца сваімі ўражанямі мама двух дзяцей. – Паколькі сын вельмі любіць гэтых герояў, то мы адмыслова на гэты спектакль прыехалі з Рэчыцы з маёй шасцімесячнай дачкой і пяцігадовым сынам.